Конференции

Регионална онлајн работилница

Скопје, 28 април 2022 година

Дирекцијата за безбедност на класифицирани информации, во соработка и со поддршка на Регионалниот совет за соработка, на ден 28. 04.2022 година организираше регионална онлајн работилница со наслов: „Рефлективна работилница за точките на пресек помеѓу безбедносната свест и безбедносните аспекти на класифицирани информации„. Еминентни експерти од Европската комисија и Европската служба за надворешно десјтвување на Европската унија како и од Канцеларијата за безбедност на НАТО се осврнаа на концептот на безбедносната свест во контекст на заштита на класифицирани информации и презентираа механизми за подигање на бебедносната свест во ЕУ и НАТО соодветно. Свои презентации одржаа и претставници од Дирекцијата и од националните безбедносни авторитети од регионот на Југоисточна Европа a беа разменети и искуства помеѓу учесниците од регионот за овој важен сегмент од безбедноста на класифицирани информации.

Коментар на Законот за класифицирани информации

Скопје, 07 јули 2021 година

 

PictureДирекцијата за безбедност на класифицирани информации во соработка и со поддршка од Женевскиот центар за управување со безбедносниот сектор (ДЦАФ), на 07 јули 2021 година во Скопје, одржа конференција и презентација на публикацијата „Коментар на Законот за класифицирани информации“.

Организирана во рамките на „Програмата за реформи во разузнавачкиот и безбедносниот сектор во Република Северна Македонија 2021-2026 година“ на ДЦАФ, конференцијата имаше за цел да го промовира Коментарот на Законот за класифицирани информации и да ги претстави новитетите во регулативата за заштита на класифицирани информации. Воедно, беа разменети мислења за потребата од подигање на безбедносната свест кај корисниците на класифицирани информации и беше промовиран Е-туториалот за класифицирани информации за реализација на таа цел.


Повеќе слики од настанот


Безбедносен форум на тема „Стратегиски комуникации и евроатлантските интеграции: импликации за земјите од Западен Балкан“

Охрид, 23-27 август 2019 година

 

PictureПретставници на Дирекцијата за безбедност на класифицирани информации учествуваа на безбедносниот форум на тема „Стратегиски комуникации и евроатлантските интеграции: импликации за земјите од Западен Балкан“ што се одржа во Охрид во периодот од 23-27 август 2019 година. Форумот го организираше Алумни-асоцијацијата на Центарот „Џорџ Маршал“ од Република Северна Македонија, со поддршка на Европскиот центар за безбедносни студии „Џорџ Маршал“ од Германија, Одделот за јавна дипломатија на НАТО и Одбранбениот колеџ на НАТО од Рим.
На отворањето на форумот на којшто учествуваа реномирани професори и експерти од областа од земјата, од регионот и пошироко, се обратија претседателот на Република Северна Македонија, Стево Пендаровски, американската амбасадорка Кејт Мари Брнз, Ото Граф од Германската амбасада и шефот на Канцеларијата за врски на НАТО Скопје, полковник Зоран Јанковиќ. Целта на форумот беше споделување искуства и добри практики во однос на темата на форумот, со фокус на хибридните закани и справувањето со лажните вести, дезинформациите, малициозната пропаганда, стратегиската комуникација, хуманата безбедност, борбата со современиот тероризам, екстремизам и радикализам, во насока на креирање на соодветни механизми и стратегии за надминување на проблемите во безбедносниот сектор имплицирани од појавата на овие современи безбедносни закани.

Состанок на директорите на Националните безбедносни авторитети од регионот во формат 6S

Блед, 12 септември 2018 година

 

На 12 септември 2018 година во Блед, Република Словенија, се одржа Шестиот состанок на директорите на Националните безбедносни авторитети на земјите од поранешните југословенски републики (формат 6S), како консекутивна (back-to-back) активност со Осмата SEENSA конференција. Состанокот беше поддржан од Регионалниот совет за соработка на ЕУ (RCC) како резултат на неговата јасна определба за поддршка на сите форми на регионална соработка што не се контрадикторни на SEENSA форматот на соработка.

Осма конференција на националните безбедносни авторитети на земјите од Југоисточна Европа (SEENSA)

Блед, 11 септември 2018 година

 

PictureНа 11 септември 2018 година на Блед, Република Словенија, се одржа Осмата конференција на националните безбедносни авторитети на земјите од Југоисточна Европа (SEENSA). Конференцијата се одржа во рамките на 13-тиот Бледски стратешки форум чиешто годинешно мото беше „Премостување на јазот“ (Bridging the Divide).

На конференцијата, чии ко-претседавачи беа директорот на националниот безбедносен авторитет на Словенија, г. Добран Божиќ и генералниот секретар на Регионалниот совет за соработка на ЕУ (RCC), г. Горан Свиларевиќ, учествуваа делегации на националните безбедносни авторитети од Босна и Херцеговина, Република Бугарија, Косово, Република Македонија, Република Молдавија, Република Словенија, Република Србија, Република Хрватска и Црна Гора, како и претставник на Генералниот секретаријат на Советот на ЕУ.

Учество на работилници во организација на DCAF

Скопје, 3-4 јули 2018 година

 

На 3 и 4 јули 2018 година, Дирекцијата зема учество на работилниците во организација на Центарот за демократска контрола над вооружените сили (DCAF).
Работилницата во Собранието на Република Македонија одржана на 3 јули, беше на тема „Јакнење на надзорот врз разузнавањето во Република Македонија“, а е поврзана со Меморандумот за разбирање помеѓу Собранието и ДКАФ потпишан во мај 2018 година, договорениот Акционен план за соработка од јануари 2018 година и релевантното национално законодавство.
Во насока на јакнењето на капацитетите на пратениците кои членуваат во Комисиите за обрана и безбедност, за надзор над работата на Управата за безбедност и контраразузнавање и Агенцијата за разузнавање и за одбрана и безбедност, пратениците беа сензибилизирани за пристапот до, и ракувањето со класифицирани информации, вклучително и создавање, прием, распространување и чување.
Целта на ова претставување беше подигање на нивото и разбирањето за легислативата со која се уредува материјата на класифицираните информации.

Состанок на MISWG AHWG 10

Рим, 19-20 февруари 2018 година

 

Петтиот состанок на Ad-hoc работната група на MISWG за Странска сопственост, контрола или влијание (Foreign Ownership, Control or Influence – FOCI), позната под името AHWG 10, се одржа на 19-20 февруари 2018 година во Рим, Италија. На состанокот учествуваа претставници на националните авторитети за индустриска безбедност од: Израел, САД, Канада, Белгија, Холандија, Италија, Македонија, Германија, Шпанија, Нов Зеланд, Финска, Франција и Велика Британија, како и од Албанија и Латвија за коишто ова беше прво учество на AHWG 10.

Состанок на Директорите на Националните безбедносни авторитети од регионот во формат 6S

Белград, 06 октомври 2017 година

 

На 06 октомври 2017 година во Белград, Република Србија, се одржа петтиот состанок на директорите на Националните безбедносни авторитети на земјите од поранешните југословенски републики (формат 6S), како консекутивна (back-to-back) активност со Седмата SEENSA конференција. Состанокот беше поддржан од Регионалниот совет за соработка на ЕУ (RCC) како резултат на неговата јасна определба за поддршка на сите форми на регионална соработка што не се контрадикторни на SEENSA форматот на соработка.

Седма конференција на националните безбедносни авторитети на земјите од Југоисточна Европа (SEENSA)

Белград, 05 октомври 2017 година

 

PictureНа 05 октомври 2017 година во Белград, Република Србија, се одржа Седмата конференција на националните безбедносни авторитети на земјите од Југоисточна Европа (SEENSA). Ко-претседавачи на конференцијата беа директорот на НСА на Србија, д-р Горан Матиќ и генералниот секретар на Регионалниот совет за соработка на ЕУ (RCC), г. Горан Свиларевиќ. На конференцијата учествуваа делегации на националните безбедносни авторитети од Република Албанија, Босна и Херцеговина, Република Бугарија, Косово, Република Македонија, Република Молдавија, Романија, Република Словенија, Република Србија, Република Хрватска и Република Црна Гора, како и претставник на Генералниот секретаријат на Советот на ЕУ. Специјални гости на отворањето на конференцијата беа претседавачот со Парламентарната комисија за безбедност и одбрана на Србија и директорот на Полиција.

Работилница за безбедносната политика на НАТО

Брдо, 25 – 29 септември 2017 година

 

Директорот на Дирекцијата за безбедност на класифицирани информации учествуваше на работилницата за безбедносната политика на НАТО што се одржа во периодот од 25 до 29 септември 2017 година на Брдо, Словенија, во организација на Канцеларијата на НАТО за безбедност и Националниот безбедносен авторитет на Словенија. Работилницата беше наменета за претставници на земјите што не се членки на НАТО и за претставници на други меѓународни организации, со цел нивно запознавање со практичните искуства од примената на безбедносните регулативи и процедури на НАТО.

Syndicate content