Спогодба со Босна и Херцеговина

Сараево, 20 мај 2014 година

На 20 мај 2014 година, на маргините на Четвртата конференција на националните безбедносни авторитети на земјите од Југоисточна Европа (SEENSA), во Сараево беше потпишана Спогодбата меѓу Владата на Република Македонија и Советот на министри на Босна и Херцеговина за размена и заемна заштита на класифицирани информации.
Во име на Владата на Република Македонија Спогодбата ја потпиша директорот на Дирекцијата за безбедност на класифицирани информации, а во име на Советот на министри на Босна и Херцеговина, Спогодбата ја потпиша г. Мате Милетиќ, помошник министер во Министерството за безбедност на Босна и Херцеговина – Национален безбедносен авторитет.